Cuando son les 18:45 hores y cola asistencia de 14 persones, empecipia l’aconceyamientu pa tratar la órde del día que va darréu:
1) A pidimientu d’ún de los asistentes, va tratase primero el segundu puntu de la orde del día: «Valoración de propuesta de participación ciudadana por una verdadera Ley de transparencia y participación, en Asturias».
Tres d’un resume de lo fecho hasta agora, preséntase un documentu colo que sedría’l conteníu d’una «Llei de tresparencia y participación ciudadana», que consta d’una parte espositiva (índice y esposición de motivos) y d’otra dispositiva, con un títulu preliminar, títulu I, Tresparencia n’actividá pública, formáu por cuatro capítulos; títulu II, Participación ciudadana, formáu por tres capítulos; títulu III, Organización, fomentu y control de la tresparencia y la participación ciudadana, formáu por cuatro capítulos; y títulu IV, Réxime sancionador, con tres capítulos.
Como s’alvierte del propiu títulu de la llei, nesta propuesta, con clara estremancia del proyeutu de Llei de tresparencia que se ta tramitando na Xunta Xeneral del Principáu d’Asturies, solo se fala de tresparencia y participación y non de «bon gobiernu». Entiende’l Círculu que son dos coses estremaes que nun hai porque tratar nel mesmu testu de llei.
Discútese de siguío, y con amplitú, si val la pena trabayar pa presentar una nueva llei o si nún sedría meyor tratar, pentemedies de les enmiendes, d’ameyorar el testu qu’agora ta tramitándose.
Tres d’oyer a varios de los asistentes qu’intervinieron nel alderique, unu d’ellos parllamentariu, el Círculu toma´l determín d’aniciar los trabayos pa presentar un nuevu testu; y ello, ensin contar colo que pase col testu del Gobiernu, que polo qu’nforma’l parllamentariu, nun paez que ponga interés d’algunu en sacalu p’alantre.
Tamién s’informa de que dientro del Conseyu Ciudadanu ta trabayándose col mesmu oxetivu, polo que s’acuerda una xuntanza del Círculu col Conseyu pa ver cómo coordinase y axuntar esfuercios.
Sobre’l métodu a siguir y dempués d’una llarga discusión, les estayes sedríen estes:
- Ponese en contautu y pidir opiniones a coleutivos, instituciones y persones sobre cuálu consideren que tien de ser el conteníu d’una llei de tresparencia y participación ciudadana.
- Movilizaciones y campañes.
- Redaición del testu.
2) «Atarse los cordones»: cómo participar en Vistalegre 2 y su calendarización».
Esplícase’l procedimientu de participación y esclariénse dalgunes duldes.
De siguío y col envís de que seya una aportación del Círculu, preséntase un documentu, que ya fuera espardiu ente los sos miembros, nel que se define qué deben ser los Círculos, de qué temes tendrien d’ocupase y cuálu sedría’l so encexe na estructura de Podemos. Acuérdase aceutalu y abrir un plazu, hasta’l siguiente aconceyamientu, pa correxilu y enmendalu.
3) «Información sobre el trabajo reciente del Círculo en relación a los presupuestos 2017»
En resultancia del llargor nel tratamientu del puntu 1, nun hebo tiempu pa tratar esti caberu asuntu de la orde del día.
Termina l’aconceyamientu a les 21:00 hores.
